هلاليات معمرة بحشوة الدجاج

المقادير :

300غرام دقيق
150 غرام قمح،
معلقة كبيرة خميرة الخبز
200 مليلتر حليب
60 غرام زبدة
قبصة ملح

مقادير الحشوة :

بصلة صغيرة
مطيشة كبيرة
ملعقة كبيرة صدر الدجاج مقطع مكعبات
ملح ابزار كمون تحميرة كاري
كاس ماء فرماج مثلث

للتزيين :

اصفر بيضة
حبة البركة او زنجلان
أو الزعتر مجفف

طريقة التحضير :

باش نحضرو فطائر بمكعبات الدجاج كنوجدو العجين هي الاولى كنديرو المقادير كاملة فقصرية

و كنجممعوها بالحليب دافي و فاتر ونبقاو ندلكو حتى تولي متجانسة ورطبة

ونخلوها تخمار ساعة

وفمقلة كنديرو البصلة مشلضة تشحر فالزيت ومطيشة مقطعة مكعبات

ونزيدو عليهم مكعبات الدجاج والملح و الابزار و الكمون و التحميرة و الكاري وكاس الماء

و نخليوهم يطيبو مزيان وملي ونشفوها من داك الما ونخليوها تاخد درجة حرارة المطبخ

ونديرو كريصات صغار ونطلقوهم بالدلاك

نصف ديال كل كريصة نشرطوه بموس

والنصف الاخر نديرو فوقو الحشوة و شوية الفرماج

ونلويوها ونكملو بحال هاكا حتى نكملو الكمية كاملة لي عندنا

نستفوهم فطاوة مدهونة بالزيت ونخليوهم يرتاحو لمدة 30 دقيقة و عاد ندهنوهم باصفر البيض

ونديرو فوقهم الزنجلان اولا حبة البركة اولا الزعتر مجفف

وندخلوهم الفران لمدة 30 دقيقة حتى يتحمرو مزيان

وهاهوما فطائر بحشوة الدجاج واجدين بالصحة و الراحة

كيتقدمو سخان ملاحظة هاد المقادير كيعطيونا 10 الفطائر 

متنساوناش من صالح دعاءكم