مسمن معمر بمقادير بسيطة

السلام عليكم من عند الاخت حورية المطبخ كنقدم

ليكم مسمن معمر بمقادير بسيطة لذيذ بالصور

كيجي بنين و سهل فالتحضير غير جربيه

اجارتي راه غدي اعجبك

غادي نحتاجو ليه الفلفلة ملونة 

2 بصلات

3 مطيشات

نشحرو البصلة فالزيت والملح وابزار

ونزيدو الفلفلة بالالوان واللي تيبغي الحار ايزيدو فلفلة

حارة احتا هي يقطعها صغيرة

من بعد مطيشة

ونغطيو المقلاة ونخليو كلشي ايطيب اعلى عافية منقوسة

باش الخضر تطلق الماء ديالها وهو فاش غادة تطيب

شوفو شحال طلقات الخضر الماء

من بعد نزيدو فالعافية ونخليو كلشي يتشحر احتا تنشف مزيان

ونخليوها تبرد انا تنصوبها الصباح وفالعشية تنعمر بيها مسمن عادي

انا هاد لقياس دارت زلافة فورص وزلافة الفينو وملح وشوية

لخميرة ماشي بزاف غير كديبة هههههه

تعجن مزيان ونديروه كويرات ونخليوها ترتاح 

واللي طلقتها مباشرة انديرها تطيب

وهاهو من بعد ماوجد بنين والله احسن من ديال الكفتة

وخصوصا انا ماعنديش امعا الكفتة

راه مزال غادي نسخنو هداك شي اعلاش ماحمرتوش بزاف

حيت معا تسخان ايزيد يتحمر

نتمنى يعجبكم وتجربوه

بالصحة و الراحة

كريب معمرين بالدجاج

كريب معمرين بالدجاج

مقادير

 في مولنكس 200غ الدقيق ابيض مع نصف لتر حليب و 25غ زبدة مدابة 

و ربع معلقة ملح و 1 معلقة صغيرة سكر ثم 2بيضات نطحنوا الكل 

تم نصفيوه و نخليوه يرتاح في الثلاجة حتى نوجدوا الحشوة

 

مقادير و طريقة الحشوة

في مقلاة نضع300غ من الدجاج مقطع صغير نضيف له نصف ضامة الزعفران

و نصف ضامة البنة الدجاج سكين جبير ابزار و معلقة كبيرةالمعدنوس 1 فص ثوم

و القليل من الزيت نترك الكل يتشحر نضيف 1 جزرة مبشورة و نخلط حتى يتشحر الكل

تم نضيف شعرية الصينية مرطبة في ماء سخون من قبل و مصفية و مقطعة

نضيف الملح ادا امكن و نخلط الكل جيدا ثم نقوم بحشو الكريب نلفه

عل شكل سيكار ثم نقوم بلصاق الجوانب بالدقيق نضع الكريب

 في البيض ثم في مسحوق الخبز ( لشبلور )

و نقوم بقليه في الزيت ويقدم مع الفرماج

احمر مبشور نخليكم مع الصور  

طريقة تحضير (لشبلور )

    

و ها نتي حضرتي كريب معمر بالدجاج بالصحة و الراحة

خبيزات معمرين بالفلفلة المشلظة والبيض المسلوق

مقادير العجين 

 دقيق لقمح مع الفورص – والملح – والخميرة ديال الخبز –

والماء دافي

ويعجن جيدا ثم نخليه يخمر ملي يخمر ديريه كريصات على هاد الشكل

مقادير الحشوة 

بالنسبة للبصلة عينك ميزانك

فلفلة خضرا وحدة

القزبور و معدنوس

لحم لي موجود عندك مقطع شرائح صغيرة

البيض مصلوق و العطرية (ملح ابزار كمون تحميرة و الزيت بلدية او رومية)

طريقة التحضير 

قطعي البصل والفلفلة وعصريهم من الما وطحنيهم في مقلاة كبي شوية الزيت

وضعي البصل و اللحم عملي عليهم الفلفلة وحركي مزيان

ديري عليهم مطيشة محكوكة و القزبور والمعدنوس و العطرية بحال هاد الشكل

وجدي خبيزة كرصيها مزيان و ضعي عليه الحشوة وأضيفي البيض المصلوق

بعد ذلك ضعي طبقة من العجين هكدا

كرصيها مزيان باش متجيش ثقيلة وعالبة عليها العجينة

وديريها فمقلاة ساخنة فيها الزيت هكدا

ملي كطيب كتجي فهاد الشكل

هاهوما لخبيزات ملي وجدو كيشهيو

شهية طيبة

بيتزا راائعة لرمضان

مقادير

العجينة

نصف كيلو دقيق
ربع كاس زيت
معلقة صغيرة خميرة لحلوى
معلقة كبيرة خميرة الخبز
معلقة صغيرة ملح
معلقة كبيرة سكر
معلقتين كبار حليب نيدو
ماء دافى للعجن
معلقة كبيرة زيت و هدي نخليوها حتى الاخر

طريقة تحضير بيتزا هائلة

نخلطو كل المكونات عاد نزيدو الما شوية بشوية حتى نجمعو الخليط

و ندلكو مزيان تقريبا عشر دقائق و متكونش قاصحة تكون رطبة

وفي الاخر نزيدو معلقة زيت و ندلكو خمسة دقايق اوهذا

مهم لنجاح العجين وهذا شكلها ملي تعجنات

و نخليوها تخمر و يتضاعف حجمها وتولي بحال لي فصورة

ودبا غدي نسرحو العجين من الافضل تقلبي المول باش يسهال عليك وضعها

في طبق التقديم و ما نساوش ندهنوه بشوية الريت

و بعد ذلك ندهنو العجين بالكايتشوب هذا لي كيميز هد البيتزا على باقي

البيتزات احسن من صلصة البيتزا

و من بعد نرشو بجبن موتزريلا قبل ما نحطو الخضرة وهذا مهم جدا 

و من بعد نحط الخضرة انا حطيت زيتون اسود و اخضر

بصل فلفلةخضرة مطيشة

ومن بعد نرشو بجبن مو تزريلا تاني و نزيد الصوصيص مقطع 

و ندخلوها الفران يكو ن سخون مزيان من قبل

و ها البيتزا ديالنا كتحمق بالصحة و الراحة

الحرشة المغربية

مقادير

نصف كيلو من السميدة الرقيقة
كيس من خميرة الحلوة
كيس من الفانيلا
رشة ملح
نصف كاس صغير من سنيدة
نصف كاس صغير من الزيت
القليل من خميرة الخبز

طريقة تحضير الحرشة

تخلط كل المكونات بالماء الدافئ و تشكل كويرات

و ترش بالسميدة الغليظة او الرقيقة و تطهى في المقلاة

  

بالصحة والراحة