شوربة خفيفة وسهلة التحضير

المقادير و طريقة التحضير:

كنخد بصلة متوسطة نقطعها والزيت العود نشحرها

ونزيد صلصة ديال مطيشة الي مقدا فدار ومعلقة كبيرة مطيشة تالحك

ونحرك ونزيد التوابل حسب الذوق ومليحةة

ونزيد كاس من العدس الأخضرونحرك الكل

 ونزيد الماء الكافي ونخليها طيب وكنزيد شعرية أو لسان طير

على حساب الموجود عندي ونخليها تكمل طياب

وهاهي وجدات بصحة وراحة

وفتقديم كما سبق وقلت كنظيفوا لها عصير الحامض ونعناع يابس

كيعطيها مذاق زيييييييييين وبنييييييين

نتمنى تعجبكم وتجربوها

ديسير رائع وسهل فنفس الوقت

هاد الديسير ساهل وأي وحدة تقدر توجدو سواء كانت مبتدئة أم لا ، يعني لايحتاج مجهود كبير . فقط تبعي هاد الطريقة البسيطة وبرّعي العائلة بديسير لذيذ

فالقاع دالكيسان وضعت بسكوي بعد ما سقيتو بالقهوة مطبوخة وهرستو شوي بالملعقة،

من بعد سكبت فوقه لكريما ،كلشي كيعرفها ،

الحليب والنشا والسكر وفاني فوق عافية مهيلة تا اعقاد،

من بعد كنستف الديسير اللعندي فالدار ،

في هذا الديسير عملت البنان والتفاح وبوعويد ولفريز، طبعا أنت ممكن تعمل الفاكهة التي تحبين

من بعد سكبت فوقها لكريمة المتبقية ،ونوضع ثاني الديسير،

ومن فوقو لفلان اللكاين

ودخليه للثلاجة حتى يبرد مزياان عاد زوقيه بالشكلاط طريفات وبالصحة،

حقيقة كيعجب الدراري بزاف . جربوه وردو عليا لخبار

سلطة البطاطس بالمايونيز

مقادير سلطة البطاطس بالمايونيز 

4 لبطاطات مقطعة مربعات ومفورة او نقدر نستعمل بطاطس صغيورين ومفورين المايونيز ربع بصلة مقطعة شوية ملح شوية كمون شوية قزبرومعدنوس خيار مخلل مقطع طريفات صغار اختياري شوية كاشير مقطع طريفات صغار حتي هو اختياري

طريقة التحضير سلطة البطاطس بالمايونيز 

  ملي كنفورو البطاطا ديالنا نخلوها تبرد ونديرها فسوبيرا ونزيد عليها مايونيز كمون والملح والبصلة والقزبر والمعدنوس والخيار والكاشير مقطع ونخلطهم مزيان وندخلها للتلاجة تبرد وتنسجم المقادير مع بعضها وتاكلها بالصحة والراحة رآها كتجي بنينة ومنسمة بريحة البصلة

 

للتدكير أنا فهاد الصورة مادرت الكاشير والخيار

عصير الخوخ لذيذ جدا ومنعش

اهلا ان شاء الله تكونو
بافضل الاحوال هاد المرة جيت وجبت
معايا عصير الخوخ سهل التحضير ولذيذ
جدا بالاضافة الا انه منعش ولا ننسى
الغذائية الخاصة به بلامانطول عليكم
نتوكلو على الله ونبداو بسم الله

المقادير :

نصف كيلو خوخ
لتر عصير البرتقال
ثلاث حبات خيزو
سكر سنيدة حسب الذوق

طريقة تحضير عصير الخوخ :

كناخدو الخوخ نقشروه نحيدو ليه العظم ونجمعوه
فبلاستيك غذائي ونديروه يتجمد ومن بعد ناخدو
خيزو ونقشروه ونديروه ليه نصف سلقة اولا ممكن
تخليه طازج وليني قبل منديروه يتطحن نحكوه وبالنسبة
لعصير البرتقال ممكن تكتفي بلي كيكون معلب ومن الاحسن
يكون العصير ديالك طبيعي مئة بالمئة ملي يتجمد الخوخ
نديرو المكونات كاملة فالخلاط كهربائي

ونطحنوه مزيان ونقدموه بارد بالصحة والراحة

كنتمنى تعجبكم رفقتنا ونالو نصيب من صالح
دعائكم ولاعز الناس باالشفاءالعاجل ولصاحبة
الوصفة الاخت ليلى كاميل جزاها الله
عنا كل خير في امان الله

المصدر : موقع ليلى كاميل

سلطة مغدية سهلة التحضير

وصفة جديدة من مشاركة جارات الموقع عبارة عن سلطة سهلة ومغدية ، للاسف الجارة التي قامت بارسالها لم تذكر الاسم لكن أحب أن أشكرها على كل حال من هذا المنبر على مشاركتها القيّمة . دون اطالة اتركك جارتي مع السلطة والتي سمّتها صاحبتها شلاظة الجردة

مكونات السلطة

4 جزر
4 بطاطا
4 شمندر احمر ( باربا )
2مطيشات
خيارة وحدة
خَص
3 بيضات مسلوقين
زيتون اخضر بدون عضم للتزيين
جبنية كبيرة أرز
علبة تونة

الطريقة:

نسلق البطاطا ونصفيوها من الماء وملي تبرد نخلطها مع الزيت الملح الابزار والقزبر والمعدنوس

والباربا ملي تسلق نصفيوها ومديرو ليها شوية سنيدة

والجزر من بعد ميتصلق يتصفا ونشحروه في مقلاة مع قزبر ومعدنوس وشوية ملح وزيت ونص معلقة صغيرة كمون

وتقطعوا مطيشة والخيار وتزيدو عليهم شوية زيت وملح وابزار

وكنسلقوا البيض والروز من بعد ما يتسلق نصفيوه ونزيدوا عليه التونة المصفاة من الزيت

ونزيدوا عليهم 2 معالق ميونيز وانا مادرتش ذرة تقدروا تزيدوه

ونخلطوا هدفي كلوا ونديروه في جبانية كبيرة وتضغطوا عليه بملعقة ونفرشوا خَص

ونحطوا جبانية ونخليوها حتى نحطوا الخضر كما في الصورة

ونزولوا الجبانة بشوية ونزينوا بالبيض والزيتون

والبصحة والراحة

مهلبية لذيذة جدا وسهلة

 

المقادير :

مقادير الطبقة الاولى :
نصف لتر حليب
3 معالق كبار سكر سنيدة
2 اكياس سكر فانيلا
2 معالق كبار دقيق الذرة
شكلاط اولا كاكاو
مقادير الطبقة الثانية :
نصف لتر حليب
3 معالق كبار سنيدة
2 اكياس سكر فانيلا
2معالق كبار دقيق الذرة
ملون احمر اولا فلان بمذاق الفراولة

طريقة التحضير :

اول حاجة نحضرو الطبقة الاولى فكسرونة نديرو
الحليب والسكر ودقيق الذرة والفاني  ونحركو
مزيان ونزيدو عليها الشكلاط اولا الكاكاو اولا فلان
ديال الكراميل على حساب الذوق ديالك جارتي
العزيزة ونبقاو نحركو حتى يغلى منغفلوش عليه
ونجيبو الكؤوس ونخليوهم محطوطين بشكل مائل
ونكوبو فيهم الخليط غير حتى يوصل للنص

وندخلو للمجمد يبرد ونمرو للطبقة الثانية نوجدوها
لي هيا نفس مكونات الطبقة الاولى ونفس المراحل
الاختلاف هنا غير تبدلي اللون بملون احمر اولا ديري
فلان ديال الفريز يعطيك لون ومذاق ونجبدو من
الثلاجة الخليط لي وجدنا فالاول

وهاد المرة نعمرو عادي ونعاودو ندخلوهم
للثلاجة يبردو ومن بعد ونخرجوهم

ونقدمو مهلبية ديالنا  ممكن تقدميها كيفما
هي وممكن تزيني الوجه ديالها كيفما حبيتي

بالصحة والراحة كنتمنى يعجبكم

ودعيو معانا من صالح دعائكم ولاغلى الناس
بالشفاء العاجل وايضا صاحبة الوصفة جزاها
الله عنا كل خير

المصدر : chhiwat nada

طريقة عمل القيمرون مقلي

وصفة جديدة من الأخت صفاء الوريدة وهي لطريقة عمل كروفيت مقلي

مقادير الكروفيت المقلي

24 حبة كروفيت
4 بيضات
2 معالق صوص الصوجا
شوية النشا
شبلير

طريقة التحضير

كنخلط البيض مع الصوجا وكنخله علي جانب وناخد الكروفيت كنفلحه من ظهر شوية يتحل غير شوية

وكنخليو ليه الديل مكنحيدوه و نغمسه في النشا

تم نغمسه من بعد خليط البيض مع الصوجا وأخيرا نغمسه فشبلير وكندخله للتلاجة حتي يشد فراسوا

تم نخرجهم ونقلهم في زيت معتدلة حتي تتحمر ونقدمه مع المليونير او الكاتشب ولا الهريسة

نقدر نعوض شبلير بالكوك مخلط مع الدقيق حتي هو كيجي بيه غزال كيتلق نسمة الكوك وبالصحة وراحة

طورطة سهلة بالحامض

 طارط بالحامض من وصفات الجارة سهام

 

مقادير الطارطا بثلاث طبقات

الطبقة الاولى

2ييضات – 6 معالق كبار سنيدة – 6 معالق كبار زيت
6 معالق كبار دقيق – 2 م. ك حليب بودرة
2 م ك كاكو 2 خمارات – قشرة حامضة محكوكة.

الطبقة الثانية

500 غ ياغورت – كاس حليب بودرة – سنيدة حسب الرغبة.يخلط الكل جيدا.

الطبقة الثالثة

250 مل عصير الحامض و فلان و سنيدة حسب الذوق.

طريقة تحضير طارط بالحامض

لتحضير الكيك نضع جميع العناصر في المولينس حتى تنسجم ثم نضعها في مول مدهون و مرشوش بالدقيق

و ندخلها الفرن ساخن مدة 20 دقيقة

بعدما تخرج من الفرن نضيف الطبقة الثانية

وتدخل من جديد الى الفرن ( النار تكون من الفوق) حتى تشد راسه الياغورت.

ثم نحضر الطبقة الثالثة

يحضر الفلون فوق النار حتى يتقال شوية و نوضعوه فوق الكيك ثم يوضع في الثلاجة 4 ساعات على الاقل.

بصحتكم و راحتكم.

فطائر مغربية معمرة باللحم المفروم

مقادير عجين العشر دقائق

ملعقتان كبيرتان من السكر

ملعقة خميرة الخبز

كاسان من الماء الدافئ

رشة ملح

كاسان من الدقيق

ملعقتان كبيرتان من حليب نيدو ( ممكن الاستغناء عنه )

طريقة تحضير العجين

تخلط كل المكونات في الخلاط الكهربائي للحصول على عجين مثل البغرير

يترك ليرتاح لمدة 10 دقائق

المقادير الثانية

نصف كاس من الزيت

ثلاث كؤوس دقيق

بعد مرور 10 دقائق نضيف للخليط نصف كاس من الزيت

و يخلط حتى يتجانس الزيت مع الخليط

ثم نضيف الدقيق 3 كؤوس شيئا فشيئا و تدلك جيييدا حتى الحصول على عجين متماسك و رطب

كما في الصورة

و يتم استعمالها مباشرة

حشوة الفطائر ( اللحم المفروم )

كفتة الدجاج متبلة مقلية مع البصل ومعدنوس

بعد ان يستوي الكل نضيف البيض و القليل من القرفة

يجب ان تجف الحشوة تماااااما من مائها

ندهنهم باصفر البيض ونرشهم بالحبة السوداء ( السانوج ) و الى الفرن

الشكل النهائي للفطائر المعمرة بالكفتة 

و بالصحة و الراحة

عصير الحامض اقتصادي

عصير الحامض اقتصادي

وسهل التحضير  وشكرا لصاحبة الوصفة

المقادير

1كيلو الحامض

سنيدة حسب الذوق

الطريقة

كنشدو الحامض نغسلوه مزيااان و نقسموه على النص

و نديروه فالكوكوت مع الماء الكااافي (الماء ماشي مشكل واخا تكتريه)

كنخليه فوق البوطة تقريبا 20 دقيقه ملي تعرفوه طاب نخليوه

حتى يبرد على خاطر و نطحنو الخليط فمولينكس من بعد نصفيوه فشي

صفايه رقيقة او شي ثوب مشبك كنحصلو على الروح تاع العصير

كنشدو تقريبا ثلث لتر د روح العصير نديروه فقرعة

و نضيفو ليه الماء و سنيدة حسب الذوق

و هالعصير وجد

ملاحظة 1كيلو د الحامض كتخرج تقريبا 8 لتر د العصير

تنمنى تعجبكم الوصفة

نخليكم مع الصور

الحامض مغسول درناه فالكوكوت مع الماء الكافي

هنا ملي طاب

هنا ملي طحناه و صفيناه

هنا ملي ضفنا ليه الماء و سنيدة و جاهز للتقديم

هاد الصوره فيها داكشي اللي كيبقا لينا فالصفايه عوض تلوحيه

شديه خلطيه مع التخت تاع القهوة الى طيبتيها ديريها ماسك

لايديك 5 دقايق و فركيه كيخلي الايدين رطبين و بيضين

فلان بالكراميل

 بنين ولذيذ يستحق ان يوضع على مائدة رمضان 

مقادير فلان 

1 لتر من الحليب 200غ من السكر ملعقة من الفانيليا 6 بيضات

للكراميل 

14 قطعة من السكر 2 ملاعق كبار من الماء

تحضير الكراميل 

نضع في كسرولة السكر و الماء ونضعها على نار هادئة ونتركها

تغلي دون تحريك حتى يصبح لونها بني 

طريقة تحضير اروع فلان بالكراميل 

نغلي الحليب وننزعه من على النار ثم نضيف له السكر والفانيليا

ونتركه جانبا حتى يصبح دافئا . نضع في اناء البيض ونخفقه

بواسطة خفاقة ثم نضيف له الحليب تدريجيا مع الخفق .

نمرر الكراميل على حواف القالب وعندما تجمد

نفرغ الخليط و ندخله فرنا متوسط الحرارة

ونتركه ينضج في حمام مائي نتفقد الطهي

بواسطة راس السكين ،عندما يخرج

جافا ننزعه ونتركه يبرد في الثلاجة 

و يقدم باردا